Die belangrikste kultuurelemente van Afrikanerbesienswaardighede

The most important cultural elements of Afrikaner attractions

Abstract

Die doel van hierdie studie was om te bepaal watter kultuurelemente by ’n Afrikanerkultuurbesienswaardigheid in Suid-Afrika aangebied moet word. Die empiriese studie het ’n verkennende navorsingsontwerp gevolg en is uitgevoer deur die kwalitatiewe metode te volg, met 15 navorsingsdeelnemers. ’n Semi-gestruktureerde onderhoudskedule is gebruik om vrae aan die navorsingsdeelnemers te stel. Die onderhoudskedule het hoofsaaklik bestaan uit oop-einde vrae en het verband gehou met demografiese inligting, Afrikaner kultuurelemente en kreatiewe beginsels van toerisme. Die resultate het getoon dat die navorsingsdeelnemers se belangrikste Afrikaner-kultuurelemente die volgende is: geskiedenis, taal, musiek en dans, kos en tradisionele leefwyse. Die aanbevelings van die studie is gemik op bemarkers en bestuurders van bestaande of voornemende Afrikanerkultuur-besienswaardighede, akademici en die algemene publiek, met ’n fokus op Afrikanerkultuurtoerisme.