Eksterne faktore wat die seksueel misbruikte kind verhoed om doeltreffend in Suid-Afrikaanse howe te getuig: ’n Vlugtige oorsig

External factors preventing the sexually abused child to testify effectively in a South African court: A rapid review

  • Lize-Mari Buys Noordwes-Universiteit
  • Cornelia Wessels Noordwes-Universiteit
Keywords: effektiewe getuienis, eksterne faktore, forensiese maatskaplike werk, howe, hofverrigtinge, hofvoorbereiding, kindergetuies, kruisondervraging, seksuele misbruik, Suid-Afrika, vlugtige oorsig

Abstract

Seksuele misbruik van kinders is ’n epidemie wat die hele samelewing nadelig beïnvloed. Die skuldigbevindingskoers van seksuele oortreders is uitsonderlik laag in Suid-Afrika. Daar is verskeie faktore in die hofproses wat kinders verhoed om doeltreffend in die hof te getuig. Die doel van die ondersoek is om binne die Suid-Afrikaanse regstelsel die hofprosedures waarby kinders betrokke is te ondersoek en die faktore te identifiseer wat kinders beïnvloed as hulle getuienis lewer. Die faktore is deur middel van ’n vlugtige oorsig nagevors. Daar is spesifiek gefokus op eksterne faktore wat verband hou met hofverrigtinge. Daar is gebruik gemaak van verskeie databasisse, naamlik SA Publications, Sabinet, EBSCOhost, LexisNexis en Juta. Die PRISMA-riglyne is gebruik vir kwaliteitversekering van die artikels. Die titel, sowel as die opsomming van die artikels is gelees om te bepaal hoe toepaslik die data is. Daar was twee navorsers betrokke by die studie: die eerste navorser het die studie geloods en die tweede navorser het kwaliteit verseker. Vanuit die finale agt artikels is daar faktore geïdentifiseer en tematies geanaliseer om die eksterne faktore te bepaal. Daar word afgesluit met ’n lys van faktore wat in die Suid-Afrikaanse howe ’n invloed op kinders se deelname aan die hofproses het. Alhoewel die bevindings en aanbevelings in die vorm van ’n artikel geformuleer is, word meer empiriese navorsing benodig om die faktore meer diepgaande te ondersoek.

Author Biographies

Lize-Mari Buys, Noordwes-Universiteit

MA-Student, Forensiese maatskaplike werk, Noordwes-Universiteit – Potchefstroomkampus, Potchefstroom, Suid-Afrika

Cornelia Wessels, Noordwes-Universiteit

Programleier, Forensiese maatskaplike werk, Noordwes-Universiteit – Potchefstroomkampus, Potchefstroom, Suid-Afrika

Published
2022-06-29
Section
Navorsings- en Oorsigartikels