Die TGW verloor ’n besondere staatmaker - Jacques van der Elst: 30 Januarie 1940 – 25 Maart 2022
Abstract
Jacques van der Elst se dekades lange verbintenis met die Tydskrif vir Geesteswetenskappe (TGW) was van beslissende belang vir sowel die voortbestaan as die uitbouing van hierdie vakwetenskaplike tydskrif in Afrikaans. Toe die Akademieraad dit op ’n tyd sterk oorweeg het om die uitgee van die twee vaktydskrifte weens kosteoorwegings te staak, het juis Jacques, toe pas aangestel as Hoof- Uitvoerende Beampte, ’n beduidende borgskap beding wat die voortbestaan van albei tydskrifte verseker het.